UNEC Biznes Mərkəzi

Mərkəz UNEC-in intellektual potensialının tətbiqi istifadəsi üzrə effektivliyinin artırılması, həmçinin professor-müəllim və tələbə-magistr kollektivinin əqli fəaliyyətinin kommersiyalaşması məqsədi ilə yaradılmış bir bölməsidir.

UNEC Biznes mərkəzi tələbələrin və universitet işçilərinin iştirakı ilə UNEC-in struktur bölmələri üzrə onların fəaliyyətinin koordinasiyası və təşkilini hayata keçirir, tələbələr arasında işgüzar mədəniyyətin və biznes etikasının inkişafına yardım edir, sahibkarlıq fəaliyyətinin effektivliyinin və tələbələrin hazırlıq keyfiyyətinin artırılması üçün universitetin iqtisadi, kadr və innovasiya potensialını birləşdirir. Hazırda mərkəzə Mübariz Şahbazlı rəhbərlik edir.

MƏRKƏZİN FƏALİYYƏTİNİN ƏSAS MƏQSƏD VƏ İSTİQAMƏTLƏRİ

-Universitet işçiləri və tələbələrinin aktiv sahibkarlıq fəaliyyətinə cəlb olunması;
– Biznes mərkəzi xidmətləri üçün bazar təklifi və tələbatı üzrə təhlillər aparılması;
– Tələbələrə sahibkarlıq fəaliyyətinin öyrədilməsinə yardım edilməsi;
– Müvəqqəti yaradıcılıq üzrə müəyyən kollektivlərin təşkili və onlar tərəfindən müstəqil fəaliyyətin aparılması üçün şəraitin yaradılması və s.