Xankişiyev Xankişi Səməd oğlu 28 aprel 1952-ci ildə Sabirabad rayonunda anadan olub.
1959-cu ildən 1969-cu ilədək orta məktəbdə oxuyub.
1969-cu ildə D.Bünyadzadə adına Xalq Təsərrüfatı İnstitutunun (indiki İqtisad Universiteti) Ümumiqtisad fakultəsinə daxil olub.
1974-cü ildə həmin institutu bitirərək iqtisadçı, siyasi iqtisad müəllimi ixtisası alıb.
1974-cü ilin noyabrından 1975-ci ilin noyabrınadək ordu sıralarında hərbi xidmətdə olub.
1978-1982-ci illərdə Bakı Dövlət Universitetində siyasi iqtisad ixtisası üzrə qiyabi aspiranturada oxuyub.
1987-ci ildə M.V.Lomonosov adına Moskva Dövlət Universitetində siyasi iqtisad ixtisası üzrə namizədlik dissertasiyası müdafiə edib iqtisad elmləri namizədi elmi dərəcəsini alıb.
1988-ci ildə dosent elmi adı alıb.
1974-1988-ci illərdə D.Bünyazdazə adına Azərbaycan Xalq təsərrüfatı İnstitutunda Siyasi iqtisad kafedrasında laborant, baş laborant, kabinet müdiri, müəllim və baş müəllim vəzifələrində çalışıb.
1988-1990-cı illərdə N.A.Voznesenski adına Leninqrad Maliyyə-İqtisad İnstitutunun Bakı filialının Siyasi iqtisad kafedrasında baş müəllim vəzifəsində çalışıb.
1990-cı ildən Azərbaycan Dövlət İqtisad Universitetinin “İqtisadi nəzəriyyə” kafedrasında dosent vəzifəsində işləyib.
Hazırda UNEC-in “İqtisadiyyat” kafedrasının dosentidir.
1993-cü ildən 2005-ci ilədək Hazırlıq fakultəsinin dekanı vəzifəsində çalışıb.
2005-2015-ci illərdə Biznes inzibatçılığı fakultəsinin dekanı vəzifəsində çalışıb.
2007-ci ildə Təhsil sahəsində nailiyyətlərə görə Azərbaycan Respublikası «Qabaqcıl təhsil işçisi» döş nişanı ilə təltif olunub.
