2005-ci ildə Azərbaycan Dövlət İqtisad Universitetinin 08.00.12 “Mühasibat uçotu, Statistika” ixtisası üzrə “Bazar iqtisadiyyatı şəraitində hesablaşmaların uçotu və təhlilinin təkmilləşdirilməsi” mövzusunda dissertasiya müdafiə edərək iqtisad elmləri namizədi alimlik dərəcəsi almışdır. 2012-ci ildə Azərbaycan Respublikası Prezidentinin yanında Ali Attestasiya Komissiyasının qərarı ilə dosent elmi adı verilmişdir.
2022-ci ildə Azərbaycan Dövlət İqtisad Universitetinin – 5308.01- “Ümumi iqtisadiyyat” ixtisası üzrə “Milli iqtisadiyyatın davamlı inkişafının makroiqtisadi problemləri” mövzusunda doktorluq dissertasiyası müdafiə edərək iqtisad elmləri doktoru elmi dərəcəsi almışdır.
1984-2004-cü illərdə “Azərenerjitikintiquraşdırma” sistemində fəhlə, mühasib, birinci dərəcəli mühasib, baş mühasibin müavini, baş mühasib, sədrin maliyyə-iqtisad məsələləri üzrə müavini və sədrin birinci müavini vəzifələrində işləmişdir.
2005-2010-cu illərdə “Azəruniversal” İstehsal Kommersiya Müəssisəsinin direktoru vəzifəsində çalışmışdır.
2005-2016-ci illərdə Azərbaycan Dövlət İqtisad Universitetinin “İqtisadi təhlil və audit” kafedrasında müəllim, baş müəllim, dosent və kafedra müdiri vəzifələrində işləmişdir.
2016-2022-ci illərdə Azərbaycan Dövlət İqtisad Universitetinin “Mühasibat uçotu və audit” kafedrasında dosenti işləmişdir.
Hal-hazırda “Maliyyə və audit” kafedrasının dosenti vəzifəsində çalışır.
